Korleis byggjer vi eit arbeidsliv som er rusta for framtida? Årets konferanse set søkjelys på teamet «Beredt for morgondagen», med fokus på berekraftige arbeidsmiljø, inkludering, leiarskap, psykisk helse, KI og framtidas arbeidsliv. Konferansen er open for alle interesserte og samlar fagpersoner, leiarar, tillitsvalde, verneombod og HR- tilsette til ein inspirerande dag med fagleg påfyll, refleksjon og gode møtepunkt på tvers av sektorar.
Program
08.30 Kaffe, registrering og mingling
Kom og ta deg en kaffe og en prat
09.00 Velkomen
Helen Lundberg, nestleiar i styret i Nordhordland Næringslag opnar konferansen.
09.10 Nordhordland og verda, no og framover
May-Lynn Osland, ordførar i Gulen, gjev oss sitt blikk på Nordhordland og verda no og framover.
09.20 Endringar til det betre? Panelsamtale
I denne debatten ser vi framover og på korleis vi må førebu oss på nokre av endringane knytte til arbeid og helse som nyleg er innførte. Bedrifter med tariffavtale må no forskottere sjukepengar til dei tilsette og få refusjon frå Nav i etterkant.
Kva konsekvensar får dette for verksemdene? Og kva ansvar har Nav? Legane får sterkare insentiv til å nytte gradert sjukmelding, men har dei gode nok føresetnader for å vurdere kva slags tilrettelegging som faktisk er mogleg på arbeidsplassen til pasienten?
Til slutt er det no tydelegare krav i arbeidsmiljølova om å arbeide systematisk for eit fullt forsvarleg psykososialt arbeidsmiljø. Korleis kan verksemdene gjere dette i praksis, og kva effektar kan vi vente oss?
Dette vert hovedtemaene i panelsamtale med Bjarte Hysing- Olsen, direktør Nav Vestland, Rolf M. Tande, lege og Cecilie Aarland, HR-leiar Romarheim AS.
Moderator: Berit Angelskår, klyngeleiar Alrek helseklynge
09.55 Pause
Pause og mingling
10.10 Leiing på framtidas arbeidsplass
Åshild Mongstad, lektor v/Høyskolen Kristiania, forfattar og leiarutviklar
Mongstad er utdanna sjukepleiar og sosialantropolog. Ho har brei erfaring frå leiarroller i praksis, og i tillegg til å undervise i leiarskap arbeider ho som organisasjons- og leiarutviklar. Ho tilbyr innsikt, verktøy og prosessar som fremjar utvikling, læring og samarbeid i endringsprosessar.
10.40 Leiing i livsfasar
Silje Mæland, professor ved Universitetet i Bergen og leiar av Nasjonalt fagråd for arbeid og helse
Silje Mæland er utdanna fysioterapeut og har forska på arbeid, helse og sjukefråvær i ei årrekke. Ho leiar no to arbeidspakkar i forsknignsprosjektet KLAR – Kvinnehelse, overgangsalder og arbeidslivsdeltaking ved Universitetet i Bergen. Kvart år går nærmare 30 000 kvinner inn i overgangsalderen og ein kan forvente at 30% av desse får betydelege helseplager. Er arbeidslivet beredt på å ivarta arbeidskrafta i denne livsfasen?
11.15-12.00 Lunsj
Lunsj serveres av Gløde
12.00 Inkluderande arbeidsliv i praksis – samarbeid som skapar moglegheiter
Hilde Grøteide Emblem, leiar for HR og løn i Alver kommune vil i dette innlegget fortelje om korleis dei arbeidar for å få ein inkluderande arbeidsliv.
12.20 Det viktigaste er å få vanlege menneske til å gjere ein uvanleg god jobb
Håvard Kvarme, HR rådgjevar, Aker Solutions
Kvarme har arbeidd med HR i ei årrekkje og har mellom anna utdanning innan coaching, endringsleiing og arbeidsrett. Han har samarbeidd tett med Nav og vore med på å utvikle eit system for inkludering i Aker Solutions. Vi får høyre hans innspel på korleis ein kan få vanlege menneske til å gjere ein uvanleg god jobb.
12.55 Pasue
13.10 HelseIArbeid: Kva, for kven og korleis
Reidun Eggesbø, Nav arbeidslivssenter Vestland
Kva om rett kunnskap til rett tid kunne hjelpe fleire til å halde fast på arbeid, aktivitet og livskvalitet? Det er tanken bak HelseIArbeid. Eggesbø har arbeidd med arbeidsmiljø og samanhengen mellom helse og arbeid i ei årrekkje. Ho ønskjer å løfte fram korleis kunnskap kan vere eit viktig verktøy for meistring, både gjennom individtiltaket og den digitale kunnskapspakken i HelseIArbeid. «Når vi forstår meir, blir vi ofte mindre redde. Når vi blir mindre redde, tør vi meir.» Vil du vite meir om korleis forskingsbasert kunnskap kan bidra til meistring og deltaking? Då er HelseIArbeid verdt å utforske.
13.30 IA bransjeprogram: Bransjeprogram som ein del av løysinga
Cedric Lionel Valentin, prosjektmedarbeidar og seniorrådgjevar, KS
Valentin jobbar med KS sitt IA bransjeprogram for sykeheimar og heimetenesta.
13.40 Pause
Pause og mingling
14.05 KI og morgondagens arbeidsliv – kva tyder det for inkludering?
Bente Valland, organisasjonsutviklar i Sopra Steria
Valland er forretningsrådgjevar innan organisasjons-, endrings- og leiarutvikling. Ho har spisskompetanse på endringsprosessar og ni års erfaring frå HR, leiarutvikling og digitalisering i privat og offentleg sektor. Gjennom ei rekkje prosjekt har ho opparbeidd seg brei erfaring med korleis kunstig intelligens blir teken i bruk i organisasjonar, frå toppleiinga til medarbeidarane.
14.30 Tilhøyrsle er ikkje noko HR kan bestille før lunsj
Daniel Getaneh Hatland, forfattar, føredragshaldar og samfunnsdebattant
Hatland er ein prisbelønt foredragshaldar og ei profilert stemme innan mangfalds- og inkluderingsarbeid. Han kombinerer fagleg innsikt, praktisk erfaring og personlege perspektiv i arbeidet sitt, og har bistått ei rekkje organisasjonar i både privat og offentleg sektor med mangfalds- og inkluderingsarbeid. Vi gler oss til å høyre innlegget hans om tilhøyrsle på arbeidsplassen.
15.00 Avslutning og vel heim
Servering: Lunsj, frukt, kaffe, te
Pris pr. deltakar: 400 kroner
Velkomen til ein dag med innsikt, inspirasjon og konkrete perpektiv på korleis vi saman kan verte betre rusta for morgondagen.
